18. Yayisithi inkosi yakwa-Israyeli kuJehoshafati: “Angishongo yini kuwe ukuthi akayikuprofetha okuhle ngami, okubi kuphela.”
19. UMikhaya wathi: “Ngalokho yizwa izwi likaJehova lokuthi: Ngambona uJehova ehlezi esihlalweni sakhe sobukhosi, nebandla lonke lasezulwini limi ngakuye ngakwesokunene sakhe nangakwesokhohlo sakhe.
20. UJehova wathi: ‘Ngubani oyakuyenga u-Ahabi ukuba enyuke afele eRamoti Gileyadi na?’“Omunye washo ukuthi nomunye ukuthi.
21. Kwavela umoya, wema phambi kukaJehova, wathi: ‘Mina ngiyakumyenga.’“UJehova wathi kuye: ‘Ngantoni na?’
22. “Wathi: ‘Ngiyakuphuma ngibe ngumoya wamanga emilonyeni yabaprofethi bakhe bonke.’“Wayesethi: ‘Uyakumyenga, futhi uyakumahlula; hamba, wenze njalo.’