28. Umvalo othi gabhu phakathi eziplangeni ezo mawuvale, usuka ekupheleni uye ekupheleni.
29. Uze uzàleke iiplanga ngegolide; amakhonkco azo uwenze ngegolide, abe ziindawo zemivalo; ke imivalo uyàleke ngegolide.
30. Uwùmise umnquba ngokwesiko lawo olibonileyo entabeni.
31. Uze wenze umkhusane ngemisonto emsi nemfusa nebomvu, nelinen ecikizekileyo, ephothiweyo: wowenzela iikerubhi, umsebenzi wengcibi yokuluka.
32. Uze uwuxhome ezintsikeni eziné zomngampunzi ezàlekwe ngegolide, emagwegweni azo egolide, zime phezu kweziseko zoziné zesilivere;