7. Ke zona iinkomo zonke namaxhoba aloo mizi sazithimbela.
8. Salithabatha ke ngelo xesha ilizwe esandleni sookumkani bobabini bama-Amori, elingaphonoshono kweYordan, lisusela kumlanjana oyiArnon, lada lesa entabeni yeHermon
9. (amaTsidon athi iHermon leyo yiSiriyon, ke ama-Amori athi yiSenire),
10. yonke imizi yehewu, neyelaseGiliyadi lonke, neBhashan yonke, kwada kwesa eSaleka ne-Edreyi, imizi yobukumkani bukaOgi eBhashan.
11. Ngokuba nguOgi yedwa, ukumkani waseBhashan, impunde eyayisele kumaRafa. Nantso ikoyi yakhe, ikoyi yentsimbi; asiyiyo na leya iseRabha yakoonyana baka-Amon? Iziikubhite* ezisithoba ubude bayo, iziikubhite eziné ububanzi bayo, ngokwekubhite yabantu.