21. Aninako ukusela indebe yeNkosi nendebe yeedemon; aninako ukwabelana ngesithebe seNkosi nesithebe seedemon.
22. Siyayikhweletisa na iNkosi? Sinamandla kunayo, yini na?
23. Zonke izinto zivumelekile kum, noko azindilungele zonke; zonke izinto zivumelekile kum, noko azakhi zonke.
24. Makungabikho namnye ufuna okukokwakhe ukulungelwa; elowo makafune nokomnye.
25. Yonke into ethengelwa endaweni yokuthenga inyama, yidleni, ningaphicothi nto ngenxa yesazela;
26. kuba umhlaba lo ngoweNkosi, nenzaliseko yawo.