1. Intlango nomqwebedu ziya kuchulumacha;elibharhileyo loba nemihlali liqhakraze njengentyatyambo.
2. Intlango yomemelela idlokove luvuyo;yoba yinzwakazi enjengeentaba zaseLebhanon,yochuma njengamasimi aseKarmele naseSharon.Bonke bobubona ubungangamsha *bukaNdikhoyo,bucace ubuhandiba nokomelela koThixo wethu.
3. Izandla ezinomkhinkqi mazomelele,namadolo anengevane atsho adlamke.
4. Thetha namagwala, uthi:“Qinani, ningabi nentaka!Kaloku uyeza uThixo wenu;uza epheth' impindezelo.Nank' egush' imbuyekezo;ewe, uza kunihlangula.”
5. Kaloku ke kobona nemfama le yembala,zitsho zivuleke neendlebe zesithulu,
6. nesiqhwala sidlobe sitsiba-tsibe okwempunzi;nezimumu zomemelela ngemihlali.Kaloku kompompoza amanzi nasentlango,kugqabhuke imilambo nakwelibharhileyo.
7. Intlabathi evuthayo yojika ibe lichibi,umhlab' okhothekileyo uphanjwe yimithombo.Asisathethi ke ngeendawo zikadyakalashe,kuba zona zoba yimigxobhozo yemizi neengcongolo.