9. Imilamb' e-Edom yoba mnyama,umhlaba ufane nesalfure;umhlaba wofana netha evuthayo.
10. Wodangazela imini nobusuku,umsi utsho ngomlembelele othunquzayo,kube zizizukulwana ngezizukulwana libharhile,kungaze kunqumle mntu khona,
11. ilizwe limiwe sisikhova nesihulu-hulu,limiwe ngookhwalimanzi namahlungulu.UThixo wolibharhisa kwakhona elakwaEdom,libe njengelamandulo kungekadalwa nto.
12. Sobe kubekho kumkani ulawulayo;izinxiba-mxhaka zophel' emehlweni.
13. Izakhiwo zomila ameva nobobo,iinqaba zambathwe lutshungu nesinama.Yoba sisikhululo soodyakalashe,ibe likhaya lezikhova.
14. Koba lapho angqungqa khona amarhamncwa,zikhwazane khona neendimoni.Yoxhwarha khona nerhorho yobusuku,izula-zule iphathe kuphumla.
15. Isikhova siya kwakha sizalele khona;zofukama zide ziqandusele,ziwakhulisele khona amathole azo.Oontloyiya boqokelelana bonwabisane khona.
16. Khangela encwadini kaNdikhoyo ufunde:Kwezi zilo akukho singekhoyo,kungekho nesingenaqabane laso,kuba lowo ngumlomo kaNdikhoyo,nguMoya wakhe oya kuziqokelela.
17. Isekwanguye oya kuzabelaazinike inxaxheba ngazinye ngazinye.Elo yoba likhaya lazo naphakade,zime khona izizukulwana ngezizukulwana.