1. Mbongen' *uNdikhoyo, nina bemi baphezulu;mnikeni isihomo nesithozela namandla.
2. Lenzelen' imbeko igama lakhe,ninqule ningcangcazela phambi kwakhe.
3. Sivakal' emanzini elwandl' isandi selizwi lakhe;utsho kuzongome uThixo onesithozela.Kaloku nguNdikhoyo ogragramis' iilwandle.
4. Lindongondong' ilizwi lakhe,ngugquma-barhwaqele ngenkqu.
5. Liwis' imisedare ilizwi likaNdikhoyo;ndixel' imisedare yaseLibhanon.
6. Lidlobis' iLibhanon ixel' inkonyane;litsho iSiriyon ixel' ithole lenyathi.
7. Ndith' ilizwi likaNdikhoyo litshawuz' amadangatye;
8. ndith' ilizwi likaNdikhoyo linyakamis' intlango,ewe, nditsho intlango yaseKadeshe.
9. Litsho kungcangcazele amanxala;litsho kuvuthuluk' amahlathi.Batsho bathi bonk' abasendlwini yakhe: “Huntshuu!”
10. NguNdikhoyo olawula oozikhukula;kaloku nguye ukumkani, koda kube nini-nini.
11. Wanga angabaph' amandl' abantu bakhe;wanga angabathamsanqela abaph' inzolo.