1. Ngasemilanjeni yaseBhabheli sahlala phantsi sagixa sakucinga *ngeZiyon.
2. Iikatala zethu sazixhoma emingcunubeni kwalapho.
3. Kaloku abo babesithimbile suka bathi:“Khanisonwabise ngengoma;khanihlabele enye kwezaseZiyon.”
4. Besingathini kambe ukucula *ezikaNdikhoyo kwelasemzini!
5. Ukuba ndingakulibala, Jerusalem, sanga singashwabana isandla sam sokunene.
6. Malunamathele ezinkalakahleni ulwimi lwam, ukuba ndinokukulibala,xa ndinokusuka ndingayibaluli iJerusalem njengeyona ntshinga yovuyo lwam.