11. Benza amarhintyela ngelaphu elizuba phaya emphethweni ngapha nangapha.
12. Bafaka amarhintyela angamashumi amahlanu kuloo macala omabini, bawenza alungelelana.
13. Benza namashumi amahlanu amahaki ngegolide, khon' ukuze la macala mabini emikhusane ahlanganiswe abe yinto enye.
14. Baza ke benza intente yangaphandle ngemiqulu elishumi elinanye eyenziwe ngoboya bebhokhwe.
15. Bayenza yalingana yaziimitha ezilishumi elinantathu ubude, zambini ke ububanzi.
16. Isihlanu sayo ke basithunga basidibanisa sayinto enye; ngokunjalo nesithandathu eso basithunga basidibanisa sayinto enye naso.
17. Bafakela amarhintyela angamashumi amahlanu emphethweni wecala ngalinye.
18. Bathatha ubhedu, benza ngalo amahaki angamashumi amahlanu, khon' ukuze la macala mabini adityaniswe.
19. Baza intente bayenzela izigqubuthelo ezibini, esangaphantsi senziwe ngofele olubomvu lwenkunzi yegusha, esangaphezulu ngesikhumba esisukiweyo.
20. Benza izakhelo zokuxhasa intente leyo ngomngampunzi.
21. Isakhelo ngasinye sasiziimitha ezine ubude neesentimitha ezingamashumi amathandathu nesithandathu ububanzi.