Eyasentlango 23:20-30 Ibhayibhile (XHO96)

20. Nangoku ke kuthiwa mandithi jize ngentsikelelo;ethamsanqele nje yena, mna andinakulicima.

21. Akubonwa sikhwa kuYakobi;hayi, akubonwa shwangusha kwaSirayeli.UNdikhoyo uThixo wabo ungakubo;ewe, kuvakala intswahla kuba uKumkani uphakathi kwawo.

22. UThixo uwakhuphile eJiputa;iimpondo zakhe zibaze okwenyathi.

23. Nemilingo ingabuya nemband' esikhova kuYakobi;nabuqili nabugqwirha buza ze kuSirayeli.Yona ngundaba-mlonyeni ngoYakobi noSirayeli,kusithiwa: ‘Khawubone ke imisebenzi kaThixo!

24. Khawukhangele ke olu hlanga!Lucondoba njengemaz' engonyama;luvungama okwengwanyalal' engonyama.Aluphumli lungazenzang' iziqweng' utshaba,luze lulithi qongqololo igazi lamaxhoba!’ ”

25. UBhalaki wabhekisa kuBhalam wenjenje: “Xa usala ke ukuwaqalekisa la maSirayeli musa ukuwathamsanqela!”

26. UBhalam waphendula wathi: “Andithi na kanene ndikuxelele ukuba mna ndenza loo nto ndiyixelelwa nguNdikhoyo kuphela?”

27. UBhalaki waphinda wathetha noBhalam, wathi: “Hamba siye kwenye indawo. Mhlawumbi uThixo angakuvumela uwaqalekise amaSirayeli xa ukuloo ndawo.”

28. Ngoko ke wamsa phezu kwentaba iPehore evelele intlango.

29. UBhalam wathi: “Yenza amaqonga abe sixhenxe apha, futhi uze nesixhenxe seenkunzi zeenkomo ngokunjalo nezeegusha.”

30. Ngenene ke uBhalaki wenza ngokomyalelo kaBhalam, wanikela ngenkunzi yenkomo neyegusha kwiqonga ngalinye.

Eyasentlango 23