11. Pinupuri ako ng mga taong nanonood o nakikinig sa aking pagsasalita.
12. Sapagkat tinutulungan ko ang mga dukhang humihingi ng tulong at mga ulilang walang malapitan.
13. Binabasbasan ako ng mga taong nag-aagaw buhay na aking tinulungan, at umaawit sa galak ang mga biyuda na aking natulungan din.
14. Palagi kong ginagawa ang tama at matuwid; para itong damit at turban na aking isinusuot.
15. Naging parang mata ako sa taong bulag at paa sa pilay.
16. Naging parang ama ako sa mga dukha, at kahit ang mga dayuhan ay tinulungan ko sa kanilang mga suliranin.
17. Winasak ko ang kapangyarihan ng masasamang tao at iniligtas ko ang mga biktima nila.