33. O tla leketlisa lesira dihokelong, mme ka nqane ho lona o bee areka ya selekane. Lesira leo le tla arohanya Sehalalelo ho Sehalalelo se halalelang ka ho fetisisa.
34. Ka Sehalalelong se halalelang ka ho fetisisa o tla bea sekwahelo sa tefelo ya sebe hodima areka ya selekane.
35. O tla bea tafole ka kwano ho lesira; le sedulwana sa lebone pela tafole, ka lehlakoreng la leaho le ka nqeng ya borwa. Tafole yona o tla e bea ka lehlakoreng le ka leboya.
36. “Jwale ebe o etsa lesira la monyako wa Tente ya Morena; o le etse ka lesela le leputswa, le le perese, le le lefubedu, le la lene, le loehileng, mme le etswe ke sehomi.