20. Ha a bona tumelo ya bona, a re: “Monna, o tshwaretswe dibe tsa hao.”
21. Yaba Ditsebi tsa Molao le Bafarisi ba qala ho buisana, ba re: “Eo ke mang ya nyefolang? Ke mang ya ka tsebang ho tshwarela dibe, haese Modimo a nnotshi na?”
22. Empa Jesu, ka ho tseba mehopolo ya bona, a ba araba, a re: “Le hopolang ka dipelong tsa lona?
23. Ho bonolo ho feta ke hofe, ha e le ho re: <O tshwaretswe dibe tsa hao,> kapa e le ho re: <Ema, o tsamaye>?
24. Empa hore le tle le tsebe hore Mora Motho o na le matla lefatsheng a ho tshwarela dibe,” a re ho ya shweleng ditho: “Ke re ho wena: Ema, nka diphate tsa hao, eya tlung ya hao!”