5. “Jwale ke ya ho ya nthomileng, mme ha ho le ya mong wa lona ya mpotsang, a re: <O ya kae?>
6. Kahobane ke le boleletse tsena, dipelo tsa lona di tletse maswabi.
7. Empa ke le bolella nnete: Ho molemo ho lona hore ke ye, hobane ha ke sa ye, Mothusi a ke ke a tla ho lona; athe ha ke eya, ke tla mo romela ho lona.
8. Ha eo a etla, o tla kgodisa lefatshe ka tsa sebe, le ka tsa toka, le ka tsa kahlolo;
9. ka tsa sebe, hobane ba sa dumele ho nna;
10. ka tsa toka, hobane ke ya ho Ntate, mme ha le sa tla hlola le mpona;
11. ka tsa kahlolo, hobane mmusi wa lefatshe lena o se a ahlotswe.