8. Ya se nang lerato ha a tsebe Modimo, kaha Modimo ke lerato.
9. Seo lerato la Modimo le bonahaditsweng ka sona ho rona ke sena: Modimo o ile a romela Mora wa hae ya inotshi lefatsheng, hore re tle re phele ka yena.
10. Seo lerato le leng sona ke sena: hase hore ke rona ba ratileng Modimo, empa ke yena ya re ratileng, a ba a romela Mora wa hae, hore e be nyehelo ka baka la dibe tsa rona.
11. Baratuwa, ha e le moo Modimo a re ratile jwalo, le rona re tshwanetse ho ratana.
12. Ha ho ya kileng a bona Modimo le ka mohla. Ha re ratana, Modimo o phela ka ho rona, mme lerato la hae le phethehile ka ho rona.
13. Seo re tsebang ka sona hore re phela ka ho yena, le yena o phela ka ho rona, ke sena: o re neile Moya wa hae.
14. Rona re bone, mme re paka hore Ntate o romile Mora hore e be Mopholosi wa lefatshe.