Moeklesia 3:1-5 BIBELE e Halalelang (SSO61SO)

1. Ntho e nngwe le e nngwe e na le sebaka sa yona, mme nako e teng ya tsohle tse etswang tlasa letsatsi:

2. nako e teng ya ho tswalwa, e teng nako le ya ho shwa; nako e teng ya ho hloma, e teng nako le ya ho fothola se hlomilweng;

3. nako e teng ya ho bolaya, e teng nako le ya ho fodisa; nako e teng ya ho qhaqholla, e teng nako le ya ho haha;

4. nako e teng ya ho lla, e teng nako le ya ho tsheha: nako e teng ya ho bokolla, e teng nako le ya ho hobela;

5. nako e teng ya ho betsa majwe, e teng nako le ya ho thonaka majwe; nako e teng ya ho aka, e teng nako le ya ho lesa ho aka;