6. Ebile Joshua, mora Nune, o bitsa baprista, a re ho bona: Jarang areka ya selekane, mme baprista ba supileng ba tshware diterompeta tse supileng tse tlerolang, ba eteletse areka ya Jehova pele.
7. A ntoo re ho setjhaba: Eyang, le potolohe motse, mme ba hlometseng ba etelle areka ya Jehova pele.
8. Eitse hobane Joshua a bolelle setjhaba, baprista ba supileng, ba nkileng diterompeta tse supileng tse tlerolang pela Jehova, ba etella pele, ba letsa diterompeta, mme areka ya selekane sa Jehova ya ba latela.
9. Banna ba hlometseng ba etella baprista ba letsang diterompeta pele, mme makgotla a mang a latella areka; ha tsamau-wa ho ntse ho letswa diterompeta.