5. Basiria ba Damaseka ba ne ba tlile ho tlatsa Hadadesere, morena wa Tsoba; Davida a bolaya Basiria ba kete tse mashome a mabedi a metso e mmedi.
6. Davida a ntoo bea bahlabani naheng ya Siria ya Damaseka, mme Basiria ya eba bafo ba Davida, ba mo ntshetsa lekgotho. Jehova a nna a boloka Davida jwalo hohle moo a yang.
7. Davida a hapa le dithebe tsa kgauta tse ho bahlanka ba Hadadesere, a tla le tsona Jerusalema.
8. Leha e le Betha, le Berothai, metse ya Hadadesere, morena Davida a nka koporo e ngata haholo teng.
9. Thoi, morena wa Hamathe, a utlwa hobane Davida o hlotse makgotla wohle a Hadadesere.