19. A bea balebedi menyakong ya ntlo ya Jehova, hore ho se ke ha kena motho ya nang le ditshila tsa ntho efe le efe.
20. Yaba o ya le balaodi ba makgolo, le baholo, le babusisi ba setjhaba, le setjhaba kaofela sa lefatshe; a theola morena tlung ya Jehova, ba kena tlung ya morena ka monyako o ka hodimo, mme ba dudisa morena teroneng ya mmuso.
21. Setjhaba sohle sa lefatshe sa thaba, mme motse wa dula ka kgotso. Ho ne ho bolailwe Athalia ka lerumo.