18. Atamela moya wa ka, o o boloke; o ntopolle ka baka la boithoriso ba dira tsa ka!
19. O tseba sekgobo sa ka le dihlong tsa ka le ho nyefolwa ha ka; ba ntwantshang ba pela mahlo a hao kaofela.
20. Dinyefolo di robile pelo ya ka, ke bohloko haholo; ke lebeletse ba nkgauhelang, mme ba hlokahetse; ka batla le batshedisi, mme ha ke bone le a mong.
21. Ba nneile nyoko e be dijo tsa ka, mme ho nyorweng ha ka ba nnositse asene.
22. Tafole ya bona a e ke e ba fetohele lemena le sefi boiketlong ba bona!
23. Mahlo a bona a ke a ntshofale, a lese ho bona; matheka a bona a ke a kgwehle kamehla!