10. Ha o namelwa dintho tse ding ke ngwaneno, o se ke wa kena tlung ya hae.
11. O mpe o eme kantle, mme motho ya o nametseng, o tla o tlisetsa tebeletso kantle.
12. Ekare ha e le motho ya fumanehileng, o se ke wa robala o ena le tebeletso ya hae;
13. o mpe o busetse tebeletso ho yena, ha letsatsi le dikela, a tle a robale ka kobo ya hae, mme a o hlohonolofatse; ho wena hoo e tla ba ho loka pela Jehova, Modimo wa hao.
14. O se ke wa ja mothoduwa, ya fumanehileng, ya hlokang, kapa e leng e mong wa banabeno, kapa e leng wa baditjhaba ba ahileng naheng ya hao le metseng ya hao.