32. Unë jam Perëndia i Abrahamit, Perëndia i Isakut dhe Perëndia i Jakobit. Ai nuk është Perëndia i të vdekurve, por i të gjallëve».
33. Dhe turmat mahniteshin kur dëgjonin mësimin e tij.
34. Kur dëgjuan se Jezui ua kishte mbyllur gojën saducenjve, farisenjtë u mblodhën
35. dhe njëri prej tyre, një mësues i ligjit të Moisiut, e pyeti për ta zënë në kurth:
36. «Mësues, cili është urdhërimi më i madh i ligjit të Moisiut?».
37. Jezui i tha:«Duaje Zotin, Perëndinë tënd me gjithë zemrën tënde, me gjithë shpirtin tënd dhe me gjithë mendjen tënde.
38. Ky është urdhërimi më i madh dhe i pari.
39. Dhe urdhërimi i dytë, i ngjashëm me këtë, është: Duaje tjetrin si veten.