7. Por Jezui u afrua, i preku dhe u tha: «Ngrihuni e mos kini frikë!».
8. Kur ngritën sytë, nuk panë askënd përveç Jezuit.
9. Kur po zbrisnin nga mali, Jezui i urdhëroi: «Mos i thoni askujt çfarë keni parë, derisa Biri i njeriut të ngjallet prej të vdekurve».
10. Atëherë dishepujt e pyetën: «Përse thonë skribët se duhet të vijë më parë Elia?».
11. Jezui u përgjigj: «Po, Elia po vjen dhe ai do të vërë gjithçka në vendin e vet.
12. Madje po ju them se Elia ka ardhur, por ata nuk e njohën dhe bënë me të çfarë deshën. Kështu do të vuajë edhe Biri i njeriut në duart e tyre».
13. Atëherë dishepujt e kuptuan se po u fliste për Gjon Pagëzorin.