19. A nuk jua dha Moisiu ligjin? Megjithatë asnjë prej jush nuk e zbaton. Përse kërkoni të më vrisni?».
20. Turma iu përgjigj: «Ty të ka pushtuar djalli. Kush kërkon të të vrasë?».
21. Jezui u tha:«Një mrekulli bëra dhe u habitët të gjithë.
22. Moisiu ju dha rrethprerjen, e cila në fakt nuk është dhënë nga Moisiu, por nga etërit, e, megjithatë, ju e rrethpritni njeriun të shtunën.
23. Nëse një njeri rrethpritet të shtunën, që të mos shkelet ligji i Moisiut, përse zemëroheni me mua, sepse shërova tërësisht një njeri të shtunën?
24. Mos gjykoni nga pamja e jashtme, por gjykoni me drejtësi».
25. Disa nga Jerusalemi thoshin: «A nuk është ky ai që e kërkojnë për ta vrarë?