15. dhe as Herodi, sepse na e ktheu përsëri te ne; në fakt ai s'ka bërë asgjë që të meritojë vdekjen.
16. Prandaj, pasi ta fshikullojnë, do ta lëshoj''.
17. Tani me rastin e festës së Pashkës qeveritari duhet të lironte dikë.
18. Por ata, të gjithë njëzëri, bërtitën duke thënë: ''Vraje këtë dhe na liro Baraban''.
19. Ky ishte hedhur në burg për një trazirë të bërë në qytet dhe për vrasje.
20. Prandaj Pilati, duke dashur të lëshojë Jezusin, u foli përsëri.