8. Dhe prifti, që ofron holokaustin e dikujt, do të marrë për vete lëkurën e holokaustit që ka ofruar.
9. Kështu çdo blatim i ushqimit i pjekur në furrë, apo i përgatitur në tigan ose mbi skarë, do të jetë i priftit që e ka ofruar.
10. Dhe çdo blatim i ushqimit i përzier me vaj ose i thatë i përket tërë bijve të Aaronit, si për njërin si për tjetrin.
11. Ky është ligji i flijimit të falënderimit, që do t'i çohet Zotit.
12. Në qoftë se dikush e ofron për dhënie hiri, do të ofrojë me flijimin e dhënies së hirit kulaç pa maja të përzier me vaj, revani pa maja të përzier me vaj dhe kulaç me majë mielli të përzier me vaj.