22. Ata të Judës bënë atë që është e keqe në sytë e Zotit; dhe me mëkatet që bënë shkaktuan xhelozinë e Zotit më tepër nga ç'kishin bërë etërit e tyre.
23. Edhe ata ndërtuan vende të larta, shtylla dhe Asherimë në të gjitha kodrat e larta dhe poshtë çdo druri të gjelbër.
24. Përveç kësaj, kishte në vend njerëz që jepeshin mbas kurvërisë së shenjtë. Ata merreshin me të gjitha gjërat e neveritshme të kombeve që Zoti kishte dëbuar përpara bijve të Izraelit.
25. Në vitin e pestë të mbretit Roboam, mbreti i Egjiptit Shishaku doli kundër Jeruzalemit,
26. dhe mori me vete thesaret e shtëpisë të Zotit dhe thesaret e pallatit mbretëror; mori me vete çdo gjë, duke përfshirë mburojat e arta që Salomoni kishte bërë.
27. Në vend të tyre mbreti Roboam dha urdhër të bëheshin mburoja prej bronzi dhe ua dorëzoi komandantëve të rojeve që ruanin hyrjen e pallatit mbretëror.
28. Sa herë që mbreti hynte në shtëpinë e Zotit, rojet i çonin në sallën e rojeve.
29. Pjesa tjetër e bëmave të Roboamit dhe të gjitha ato që ai bëri a nuk janë të shkruara vallë në Kronikat e mbretërve të Judës?