9. Demo ratoiswa pamidzi yemiti, uye muti mumwe nomumwe usingabereki zvibereko zvakanaka uchatemwa ugokandwa mumoto.”
10. Vanhu vazhinji vakati, “Zvino toita seiko?”
11. Johani akapindura akati, “Munhu ane nguo mbiri ngaagovane neasina, uye naane zvokudya ngaaitewo saizvozvo.”
12. Vateresi vakauyawo kuzobhabhatidzwa. Vakamubvunza vakati, “Mudzidzisi, toita seiko?”
13. Akati kwavari, “Musatora mari inopfuura mwero wamunofanira kutora.”
14. Ipapo vamwe varwi vakamubvunza vakati, “Tinofanira kuita seiko?”Iye akati, “Musatorera vanhu mari nechisimba uye musapomera vanhu nhema, mugutsikane nomubayiro wenyu.”