1. Uchirai maoko, imi vanhu vose; pururudzai kuna Mwari nokudanidzira kwomufaro.
2. Jehovha Wokumusoro-soro anotyisa sei, iye Mambo mukuru pamusoro penyika yose!
3. Akaisa ndudzi dzavanhu pasi pedu, marudzi pasi petsoka dzedu.
4. Akatitsaurira nhaka yedu, iyo pfuma yaJakobho, waakada. Sera
5. Mwari akakwira pakati pokudanidzira kwomufaro, Jehovha pakati pokurira kwehwamanda.
6. Imbirai Mwari nziyo dzokurumbidza, murumbidzei nenziyo. Imbirai Mambo wedu nziyo dzokurumbidza, murumbidzei nenziyo.