19. Amoni akanga ava namakore makumi maviri namaviri paakava mambo, uye akatonga muJerusarema kwamakore maviri. Zita ramai vake rainzi Meshuremeti mwanasikana waHaruzi; akanga achibva kuJotibha.
20. Akaita zvakaipa pamberi paJehovha, sezvakanga zvaita Manase baba vake.
21. Akafamba munzira dzose dzababa vake; akanamata zvifananidzo zvakanga zvanamatwa nababa vake, akazvipfugamira.
22. Akafuratira Jehovha, Mwari wamadzibaba ake, haana kufamba munzira yaJehovha.
23. Vabati vaAmoni vakamumukira vakauraya mambo mumuzinda wake.