5. A o lenā perofeta, po o lenā faimiti, e fasiotia o ia; auā ‘ua ia tautala ‘ia te‘a ‘ese ‘outou i le ALI‘I lo ‘outou Atua, o lē na ‘aumaia ‘outou ai le nu‘u o Aikupito, ma na lavea‘iina oe ai le mea sa nofo pologa ai, ‘ina ‘ia tuleia ai oe nai le ala na fetalai mai ai le ALI‘I lou Atua ‘ia e savali i ai. ‘Ona e tu‘u‘eseina ai lea o le leaga ‘iā te oe.
6. ‘Āfai e fa‘aoso lemū ‘iā te oe lou uso, le tama a lou tinā, po o lou atali‘i, po o lou afafine, po o lau avā pele, po o lau uō e pele ‘iā te oe, o lo‘o fa‘apea mai, “‘Inā tatou ō ia, ma ‘au‘auna i atua ‘ese,” na e lē iloa, o oe, ma ou tamā;
7. o atua o nu‘u e vagavagai ai ‘outou, po o ē felāta‘i ma oe po o ē vāvā mamao ma oe, e gata mai i le tasi itū lalolagi e o‘o atu i le tasi itū lalolagi;