12. A o isi manu fe‘ai ‘ua totoe, ‘ua ‘ave‘eseina la latou pule; a ‘ua fa‘afualoaina lo latou ola, ‘ua o‘o i le tausaga ma le tau.
13. Na ‘ou iloa i fa‘aaliga i le po, fa‘auta fo‘i, ‘ua afio mai i ao o le lagi Lē e pei o le Atali‘i o le tagata, ‘ua o‘o fo‘i ia i Lē ‘ua mai anamua ona aso, ‘ua latou momoli ‘iā te ia i ona luma.
14. ‘Ua foa‘iina atu ‘iā te ia le pule ma le vi‘iga, ma le mālō, ‘ina ‘ia ‘au‘auna ‘iā te ia o nu‘u uma, ma atunu‘u ma gagana ‘ese‘ese; o lana pule o le pule e fa‘avavau lea, e lē mavae atu ia, o lona mālō fo‘i e lē fa‘aumatia.
15. O a‘u o Tanielu sa tigāina lo‘u loto i totonu ‘iā te a‘u, o fa‘aaliga na ‘ou iloa na ‘ou atuatuvale ai.