5. Na fai la‘u miti na ‘ou fefe ai, o ‘ou mānatunatu fo‘i i lo‘u moega ‘atoa ma mea na ‘ou va‘aia sa ‘ou atuatuvale ai.
6. ‘Ona a‘u pule lea ‘ia ‘aumaia i o‘u luma le ‘au popoto uma o i Papelonia, ‘ina ‘ia latou fa‘ailoa mai ‘iā te a‘u le uiga o le miti.
7. ‘Ona ō mai ai lea o taulāitu ma va‘afa‘atau ma le ‘au Kaletaia, ‘atoa ma ē o popoto i fetū, ‘ona a‘u ta‘uina atu lea o le miti ‘iā te i latou, a ‘ua latou le fa‘ailoa mai ‘iā te a‘u lona uiga.
8. Mulimuli ane, ‘ua sau i o‘u luma Tanielu, o lona igoa o Peletisara, ‘ua i ai le igoa o lo‘u atua, o lo‘o i ai fo‘i le agaga o atua pa‘ia, ‘ona a‘u ta‘uina atu lea ‘iā te ia la‘u miti, ‘ua fa‘apea atu,