4. O oe le toeaina, ‘ia e fai sau ‘upu, auā e tatau ‘iā te oe,
5. ‘ona fai le tala muamua ma le poto ma le fa‘aeteete,‘ae ‘aua ‘e te fa‘alavelave i le tāina o la‘au pese.
6. ‘Āfai ‘ua lē fa‘alogo se tasi ‘iā te oe,‘aua ‘e te fa‘amaumau fua au tala,‘aua ‘e te fa‘aalialiavale ai i lou fiapoto.
7. O le ma‘a fa‘amaufa‘ailoga tāua i lona teu auro,o le fati lea a ē tātā la‘au pese i se faigā‘ai ‘ua fai ai le uaina.
8. O le fa‘amaufa‘ailoga samaraki i lona fa‘ava‘a auro,o le fati malie lea a le ‘au faipese ‘ina o inumia ma le fa‘atatau o le uaina lelei.
9. ‘Ia e fa‘alogo i ai ma e fa‘alologo,‘ona ta‘uleleia ai oe ‘ona o lou migao.
10. Le taule‘ale‘a e, ‘ia seāseā ‘ona e tautala i mea ‘ua e ‘aiā i ai.
11. ‘Āfai e fa‘alua ‘ona fesiligia oe, ‘ia fai sau tali pu‘upu‘u.