6. Na ia liua le sami ma lau‘ele‘ele matūtū;na latou sopo‘ia atu le vaitafe i o latou vae;na tatou fiafia ‘iā te ia i lea mea.
7. E pule ia e fa‘avavau i lona lava malosi;‘ua matuā silasila atu ona fofoga i nu‘u ‘ese;o ē fouvale, ‘aua ne‘i fa‘amaualuga i latou. Selā.
8. Le nu‘u e, ‘ia ‘outou fa‘afetai atu i lo tatou Atua;‘ia lagona mai le leo o lona vi‘iga.
9. O lē na tu‘uina mai le ola i totonu ‘iā i tatou,na te lē tu‘una i tatou ‘ia mapepeva ai o tatou vae.
10. Auā na e su‘esu‘eina i matou, le Atua e;na e tofotofoina i matou,e pei o le ario ‘ona tofotofoina.
11. Na e ‘aumaia i matou i le ‘upega;na e tu‘uina mai mea mamafa i o matou tua.