16. O mea nei tou te faia, ‘Ia ‘outou tautala i ‘upu moni o le tasi i le tasi ma ‘ia fa‘amasino i le fa‘amaoni ma le fa‘amasinoga e lelei ai i o ‘outou faitoto‘a.
17. ‘Aua le mānatunatu i o ‘outou loto i se mea leaga e fai e le tasi i le tasi; ‘aua fo‘i le fiafia i le tautō pepelo; auā o mea uma ia ‘ou te ‘ino‘ino i ai, ‘ua fetalai mai ai le ALI‘I.
18. ‘Ua o‘o mai fo‘i le afioga a le ALI‘I o ‘au ‘iā te a‘u, o lo‘o fa‘apea mai:
19. O lo‘o fa‘apea ‘ona fetalai mai o le ALI‘I o ‘au, o le anapogi i le masina e fa ma le anapogi i le masina e lima ma le anapogi i le masina e fitu ma le anapogi i le masina e sefulu e fai ma fiafia ia ma ‘oli‘oli ma aso o tausamiga lelei i le ‘āiga o Iuta; a ‘ia ‘outou fiafia i le ‘upu moni ma le manuia.