17. A o lē le alu a‘e a‘i itū‘āiga o le lalolagi i Ierusalema e ifo i le Tupu, o le ALI‘I o ‘au ‘ona leai lea o se timuga ‘iā te i latou.
18. ‘Ae ‘āfai e lē alu a‘e le itū‘āiga o Aikupito ma latou le ō mai, e leai fo‘i se uaga ‘iā te i latou; ‘ona i ai lea o le mala e taia a‘i e le ALI‘I o nu‘u o ē le ō a‘e e fai le tausamiga o fale apitaga.
19. O le sala lenā a Aikupito ma le sala a nu‘u uma, o ē le ō a‘e e fai le tausamiga o fale apitaga.
20. O lea aso e i ai i tagitagi u‘amea o solofanua, “E PA‘IA I LE ALI‘I.” O ‘ulo fo‘i i le fale e tutusa ia ma ipu i luma o le fatafaitaulaga.