18. O lenei, e alofa ia i lē ‘ua ia finagalo i ai; ‘ae fa‘ama‘a‘a e ia i lē ‘ua ia finagalo i ai.
19. ‘Anei ‘e te fai mai ‘iā te a‘u, “Pe se a le mea e a‘oa‘i mai ai pea ia? Auā o ai sē ‘ua tete‘e atu i lona finagalo?”
20. Sōia, o oe le tagata, o ai ‘ea oe o lē fīnau atu i le Atua? E fai atu ‘ea le mea na faia i lē na faia o ia. “Se a ‘ea ‘ua e fai ai a‘u fa‘apea?”
21. O le fai ipu ‘omea o le pule ‘ea o ia i le ‘omea, e fai ai i le paluga e tasi o le tasi ipu o le mea lelei, a o le tasi o le mea fa‘atauva‘a?
22. ‘Āfai ‘ua ‘onosa‘i le Atua, ma ‘ua matuā fa‘apalepale i ipu o le to‘asā ‘ua fa‘atatauina i le malaia, ‘ina ‘ua finagalo o ia e fa‘aali mai ai lona to‘asā, ma fa‘ailoa mai ai lona mana;