23. O i latou fo‘i pe ‘āfai e lē tumau pea i le lē fa‘atuatua, e toe fa‘apipi‘iina i latou; auā e mafaia e le Atua ‘ona toe fa‘apipi‘iina i latou.
24. Auā ‘āfai ‘ua sala‘eseina oe nai le olive vao, na e tupu mai ai, ma ‘ua fa‘apipi‘iina oe i le olive lelei, na e lē tupu mai ai, o le a atili ai toe fa‘apipi‘iina gofie o la na tupu mai ai i lo latou lava olive.
25. Auā le ‘au uso e, ‘ou te loto ‘ina ‘ia ‘outou iloa lenei mea lilo, ‘ina ne‘i tou fa‘afiapopoto; ‘ua fa‘ama‘a‘aina loto o isi Isaraelu, se‘ia o‘o ‘ina ulufale mai le ‘ato‘atoa o nu‘u ‘ese;
26. ‘ona fa‘aolaina lea o Isaraelu ‘atoa uma, pei ‘ona tusia,“E maliu mai le Fa‘aola mai Siona,na te fa‘ate‘a‘eseina le amio fa‘alēmata‘u ‘iā Iakopo.”