18. ‘Ua latou fa‘alogo mai i ia ‘upu, ‘ona latou fa‘alologo lea, ‘ua vivi‘i atu fo‘i i le Atua, ‘ua fa‘apea ane, “E moni, ‘ua foa‘i atu e le Atua i nu‘u ‘ese le salamō e ola ai.”
19. Na ō atu fo‘i ē na fa‘asalalauina i le sauāga na tupu ‘ina ‘ua oti o Setefano. ‘Ua o‘o lava i Foinie, ma Kuperu, ma Anetioka, ‘ua lē tautala atu i le ‘upu i se tasi na o tagata Iutaia lava.
20. O tagata Kuperu ma Kurene fo‘i nisi o i latou, ‘ua o‘o fo‘i i latou i Anetioka; ‘ua tautala i tagata Eleni, ma folafola atu le tala lelei i le Ali‘i o Iesu.
21. Sa ‘iā te i latou le ‘a‘ao o le Ali‘i; ‘ua fa‘atuatua fo‘i le vao tagata e to‘atele, ma liliu mai i le Ali‘i.