22. Tau lava o le auro, ma le ario, o le ‘apamemea, o le u‘amea, o le ‘apa sinasina, ma le pulu,
23. o mea uma e lē afaina i le afi tou te tu‘u i le afi, ‘ona mamā ai lea; ‘ae ui lava i lea ‘ia fa‘amamāina pea i le vai mo ē ‘ua leaga; a o mea uma e leaga i le afi tou te tu‘u i le vai.
24. Tou te taia fo‘i o ‘outou ‘ofu i le aso fitu, ‘ona mamā ai lea o ‘outou, mulimuli ane tou ō mai i le toagalauapi.”
25. ‘Ona fetalai mai lea o le ALI‘I ‘iā Mose, ‘ua fa‘apea mai,
26. “‘Ia e faitau mai le ‘ato‘atoa o mea na maua i le vete, o tagata ‘atoa ma manu; o oe ma Eleasaro le ositaulaga, ma matai sili o le fa‘apotopotoga;
27. ma ‘ia ‘outou vaeluagalemūina o mea na maua mo i latou ē na faia le tau‘a, ma latou ō atu e tau i le tau‘a, ‘atoa ma le fa‘apotopotoga uma.
28. ‘Ia ‘outou vāea mai fo‘i se taulaga i le ALI‘I a‘i ‘au na o i le tau‘a, ‘ia ta‘itasi a‘i le ta‘ilima o selau o mea, o tagata, ma povi, ma asini, ‘atoa ma mamoe.