2. ‘Ua tautala o ia ma ē faigaluega, o le aso ma le tenari; ‘ona ‘a‘auina atu ai lea e ia o i latou i lana tōvine.
3. O le itū aso fo‘i e tolu ‘ua alu atu ai o ia, ‘ona iloa atu ai lea e ia o isi ‘ua tutū i le malae e leai se galuega;
4. ‘ona fai atu ai lea o ia ‘iā te i latou, ‘‘Inā ō atu ia ‘outou fo‘i i le tōvine, ‘ae ‘ou te avatu ‘iā te ‘outou se mea e tusa.’ ‘Ona latou ō atu ai lea.
5. ‘Ua toe alu atu o ia i le tutonu o le lā, ma le itūlā e tolu, ‘ua fa‘apea fo‘i ‘ona fai.
6. O le toe itūlā o le afiafi, ‘ua alu atu ai o ia, ‘ona iloa atu ai lea e ia nisi ‘ua tutū e leai se galuega, ‘ua na fai atu fo‘i ‘iā te i latou, ‘Se a le mea tou te tutū mai ai ‘i‘inei i le aso ‘atoa e leai se galuega?’