15. ‘Ua loto Pilato e fa‘alotomalie i le motu o tagata, ‘ua ia tatalaina atu ai Parapa ‘iā te i latou; ‘ua uma ‘ona sasaina o Iesu e ia, ‘ona ia tu‘uina atu lea o ia ‘ia fa‘asatauroina.
16. ‘Ona ta‘ita‘iina atu lea o ia e le ‘au i le maota, o le maota lea o le ali‘i, ‘ua latou fa‘apotopotoina fo‘i le ‘au uma.
17. ‘Ona latou fa‘a‘ofu lea ‘iā te ia i le ‘ofu pāuli, ma latou ta‘ata‘ai la‘au tuitui ‘ua fai ai le pale, ‘ua fa‘apaleina ai o ia.
18. ‘Ona latou alolofa mai lea ‘iā te ia, “Talofa le tupu o tagata Iutaia!”
19. ‘Ua latou tā fo‘i i lona ao i le u, ma feanu ‘iā te ia, ma to‘otuli ma ifo ‘iā te ia.