8. E to‘atele ‘ua latou fofolaina o latou ‘ofu i le ala; a o isi ‘ua latou tā ifo la o la‘au ma fola i le ala.
9. ‘Ua ‘alalaga fo‘i ē na muamua ma ē na mulimuli, ‘ua fa‘apea, “Osana! ‘Ia manuia lē afio mai i le suafa o le Ali‘i.
10. ‘Ia manuia le mālō ‘ua o‘o mai o le tatou tamā o Tavita, Osana i mea e aupito i luga!”
11. ‘Ua o‘o Iesu i Ierusalema, ‘ona maliu ane lea i le malumalu; ‘ua na silasila solo i mea uma; ‘ua o‘o i le afiafi, ‘ona maliu atu lea o ia i Petania, fa‘atasi ma le to‘atinoagafulu ma le to‘alua.