47. ‘Ua silafia e Iesu le manatu o latou loto, ‘ona tago lea o ia i le tamaitiiti, ma fa‘atū ‘iā te ia i ona tafatafa.
48. ‘Ua fetalai atu o ia ‘iā te i latou, “‘Ai sē talia lenei tamaitiiti i lo‘u igoa, ‘ua talia a‘u e ia; ‘ai sē talia fo‘i a‘u, ‘ua talia e ia lē na ‘auina mai a‘u; auā o lē aupito itiiti ‘iā te ‘outou uma, e sili lava ia.”
49. ‘Ona fai mai lea o Ioane, “Le Ali‘i e, na matou iloa le tasi na ia tulia temoni i lou suafa; ‘ona matou vavao lea ‘iā te ia, auā ‘ua ia lē mulimuli mai ‘iā te i tatou.”