15. A o fa‘atalitali le nu‘u, ma mānatunatu uma lava i o latou loto ‘iā Ioane, po o ia o le Keriso;
16. ‘ua tali atu Ioane ‘iā te i latou uma ‘ua fa‘apea atu, “O a‘u nei lē papatiso atu ‘iā te ‘outou i le vai, a o lē maliu mai, e silisili o ia ‘iā te a‘u, e lē aogā a‘u ‘ona tatala le nonoa o ona se‘evae; o ia lava na te papatiso ‘iā te ‘outou i le Agaga Pa‘ia ma le afi.
17. O i lona ‘a‘ao lana asu, e fa‘amamā ai ē i lana fa‘aputuga saito; e fa‘apotopoto fo‘i e ia le saito i lona fale saito, ‘ae susunuina le otaota o saito i le afi e lē matineia.”