17. ‘Aua lava tou te fa‘asauā le tasi i le tasi; a ‘ia e mata‘u i lou Atua; auā o a‘u o le ALI‘I lo ‘outou Atua.
18. ‘Ia ‘outou faia fo‘i a‘u tulafono, ma tausiusi i a‘u fa‘amasinoga, ma fai ai; tou te nonofo ai i le nu‘u ma le filemū.
19. E fua mai fo‘i le fanua i ona fua, tou te ‘a‘ai ai, ma mā‘o‘ona ai, ma nonofo ai ma le filemū.
20. ‘Āfai fo‘i tou te fai mai, O a mea matou te ‘a‘ai ai i le tausaga e fitu? fa‘auta, matou te lūlūina ni saito, pe fa‘aputu ai ni a matou mea e tutupu.
21. ‘Ou te pule atu le manuia ‘iā te ‘outou i le ono o tausaga, ‘ona fua mai ai lea o ona fua e tatau ma tausaga e tolu.
22. Tou te lūlūina saito i lona valu o tausaga, ma ‘a‘ai pea lava i mea tuai se‘ia o‘o lava i lona iva o tausaga; se‘ia matua ni ona fua tou te ‘a‘ai pea lava i mea tuai.
23. E lē fa‘atauina le fanua, ‘ia fa‘atō; auā e o‘u lava le fanua; auā o tagata ‘ese ‘outou ma e āumau ‘iā te a‘u.
24. O le nu‘u uma e fai mo ‘outou, ‘ia ‘outou tu‘u atu ‘ia toe fa‘atauina le fanua.