1. ‘Ua fetalai mai fo‘i le ALI‘I ‘iā Mose, ‘ua fa‘apea mai:
2. Fai atu ia ‘iā Arona ma ona atali‘i: ‘Ia latou fa‘amamao i mea pa‘ia a le fānauga a Isaraelu, ‘ina ne‘i fa‘aleagaina lo‘u igoa pa‘ia e i latou i mea ‘ua latou fa‘asāina mo a‘u; O a‘u o le ALI‘I.
3. Fai atu ia ‘iā i latou, ‘Ai se tagata o lo ‘outou ‘āiga uma i o ‘outou tupulaga amulī, e alu ane o ia i mea pa‘ia ‘ua fa‘asāina e le fānauga a Isaraelu i le ALI‘I, a o lo‘o ‘iā te ia se mea e leaga ai o ia, e vavae‘eseina lava lea tagata i o‘u luma: O a‘u o le ALI‘I.