40. ‘E te pule oe i lo‘u ‘āiga, o lau lava ‘upu fo‘i e pulea ai lo‘u nu‘u uma, na o le nofoāli‘i ‘ou te sili ai ‘iā te oe.”
41. ‘Ona fai mai, ai lea o Farao ‘iā Iosefa, “Fa‘auta mai, ‘ua ‘ou tu‘u atu ‘iā te oe le pule i le nu‘u uma o Aikupito.”
42. ‘Ona tō ‘ese ai lea e Farao lana mama i lona lima, ‘ua tu‘u mai i le lima o Iosefa, ‘ua fa‘a‘ofu fo‘i ‘iā te ia i ‘ofu ‘ie vavae ma fa‘aasoa fo‘i i le filifili auro i lona ua.
43. ‘Ua na fa‘ati‘eti‘e fo‘i ‘iā te ia i le lua o ona nofoa fa‘ata‘avalevale, ‘ona latou ‘alalaga lea i ona luma, “Ifo ia.” ‘Ua na tu‘u atu fo‘i ‘iā te ia le pule i le nu‘u uma o Aikupito.