21. Sa mau fo‘i o ia i le vao o Parana; ‘ua ‘aumai fo‘i e lona tinā se avā ma ia mai le nu‘u o Aikupito.
22. O ona po ia na fai mai ai Apimeleko ma Fikolu, o le ali‘i e pule i ana ‘au, ‘iā Aperaamo, ‘ua fa‘apea mai, “‘Ua ‘iā te oe le Atua i mea uma ‘e te faia.
23. O lenei, ‘ia e tautō mai ‘i‘inei ‘iā te a‘u i le Atua, ‘e te lē pepelo mai ‘iā te a‘u, po o lo‘u atali‘i, po o le atali‘i o lo‘u atali‘i; a ‘ia pei o lo‘u alofa atu ‘iā te oe, ‘ia e fa‘apea mai fo‘i ‘iā te a‘u, ‘atoa ma le nu‘u ‘ua e āumau ai.”